طبعًا، لا أحد يستطيع أن ينكر مدى شعبية وانتشار أعمال الأنمي، وهذا أكيد ينعكس على تطوير الألعاب، وخصوصًا ألعاب الموبايل. عشان كده، في المقال ده، حبينا نتكلم عن ألعاب الأنمي ونحاول نعمل تجميعة يكون فيها أفضل ألعاب الأنمي الجديدة لعام 2024. الألعاب بالتأكيد هتعجبك وهيكون فيها تجربة لعب ممتعة. يا ريت تقول لنا في تعليق إيه أكثر أنمي أنت بتحبه، ودلوقتي بقى، خلينا نروح نشوف ألعاب الأنمي.
1. Solo Leveling
اللعبة رقم واحد الممتازة معنا هي لعبة سولو ليفلينج. هتشوفها لعبة أونلاين، حجمها تقريبًا 5 جيجا، ومتوفرة للأندرويد والأيفون.
الوصف:
لعبة سولو ليفلينج هي لعبة أكشن تقمص أدوار (RPG) أنمي بجودة عالية، بتحكي لك قصتها عن الصيادين والبشر اللي عندهم قدرات خارقة والواجب عليهم مواجهة الوحوش اللي بتحاول تقضي على الجنس البشري. القصة طبعًا جاية لنا من نفس الأنمي الشهير اللي بنفس الاسم.
طريقة اللعب:
بتلعب فيها دور "سونج جين" اللي حصل على قوة خارقة لحماية الأرض. لازم تفتح اللاعبين وتتحرك وتواجه الوحوش في مراحل اللعبة. تصميم اللعبة دي وتجربة الجيم بلاي والفايت وجودة الجرافيكس حاجات كلها هتشوفها مميزة في اللعبة تخليك حابب إنك تلعبها وتكمل معاها.
2. One Punch Man: World
اللعبة رقم اثنين المشهورة معنا هي لعبة وان بانش مان وورلد. هتشوفها لعبة أونلاين حجمها تقريبًا 9 جيجا ومتوفرة للأندرويد والأيفون.
الوصف:
لعبة وان بانش مان وورلد هي لعبة أكشن وحركة مستوحاة طبعًا من أعمال الرسوم المتحركة المعروفة لهواة الأنمي.
طريقة اللعب:
هتلعب هنا في اللعبة دور الأبطال اللي واجب عليهم حماية المدينة، وده طبعًا مع الدخول في تفاصيل كثيرة على مستوى القصة. هتقدر تلعب بأبطال زي "سايتاما" و"جينوس" و"سونيك" وأبطال ثانية كتير تقدر تكتشفهم في اللعبة، وكل واحد فيهم ليه مهارات وحركات مختلفة في الفايت. هتلعب مهمات كتير مع أكثر من بطل وهتكون فريق وتقدر تبدل بينهم.
المميزات:
تجربة الفايت والحركة هتعجبك خصوصًا مع المشاهد السينمائية والقِصة. الجرافيكس كمان في اللعبة ممتاز، وبتدعم 120 فريم، وده مديها سلاسة أكثر وأنت بتلعب. حتى لو مش متابع السلسلة، هتشوف إنها لعبة احترافية تستاهل أكيد إنك تلعبها.
3. Zenless Zone Zero
اللعبة رقم ثلاثة القوية جدًا والمميزة في الفترة الأخيرة هي لعبة زانلس زون زيرو. هتشوف لعبة أونلاين حجمها تقريبًا 10 جيجا ومتوفرة للأندرويد والأيفون.
الوصف:
لعبة زينلس زون زيرو هي لعبة تقمص أدوار أنمي إبداعية بيقدمها نفس المطور اللي قدّم لنا لعبة "جنشين إمباكت". اللعبة بتقدّم لنا تصميم جذاب ونظام لعب وأكشن حماسي معمول باحترافية. بتحكي لك قصتها عن المدينة والمكان الوحيد اللي نجا بعد نهاية العالم.
طريقة اللعب:
دورك إنك هتبدأ تجمّع اللاعبين وتبدأ تكتشف العالم وتواجه الوحوش. هتلاقي قدامك لاعبين كتير عشان تكون منهم فريق من ثلاثة لاعبين. هتدخل بعدها مهمات كتير متتالية في أماكن مختلفة عشان تفايت. نظام اللعب والحركة ومهارات الفايتنج والكومبو، ده غير طبعًا الأسلحة والتصميم البصري المميز اللي هتشوفه فيها. المحتوى كمان والجرافيكس هتشوفه قوي، وده مخلي اللعبة ضخمة وحجمها كبير. في النهاية هتشوفها تجربة حقيقية مبهرة على الموبايل تستاهل كده إنك تلعبها.
4. Persona 5
اللعبة رقم أربعة الممتعة معنا هي لعبة برسونا 5. هتشوف اللعبة أونلاين حجمها تقريبًا 10 جيجا ومتوفرة للأندرويد والأيفون.
الوصف:
لعبة برسونا الجديدة هي لعبة تقمص أدوار تكتيكية أنمي بتصميم وجودة عالية، واللعبة عمومًا من وقت إطلاقها وعليها ردود أفعال إيجابية. بتحكي لك قصتها عن شاب في المدرسة الثانوية بيتقمص شخصيات ومحاربين أقوياء لمطاردة والقضاء على الوحوش والأعداء.
طريقة اللعب:
هتبدأ أنت تدخل اللعبة وتعيش أجواء القصة وتجمع الشخصيات المختلفة عشان بعد كده تواجه وحوش صعبة في ومراحل مختلفة في اللعبة. تصميم اللعبة والجودة اللي بتقدّمها فعلاً ممتازة والجرافيكس عالي. القصة كمان حلوة وأسلوب الفايت جيد والمشاهد السينمائية حماسية، ودي كلها حاجات هتبهرك في اللعبة وننصحك أكيد أنك تجربها.
5. Afterimage
اللعبة رقم خمسة الجميلة جدًا هي لعبة افتر إيمج. هتشوفها لعبة أوفلاين بدون نت، حجمها تقريبًا 1.5 جيجا، ومتوفرة للأندرويد والأيفون.
الوصف:
لعبة افتر إيمج هي لعبة أكشن منصات بتصميم إبداعي. بتحكي لك عن البنت اللي تاهت في عالم غريب كله صراعات وألغاز وحاجات كتير هي ما تعرفهاش. ولكن الحل الوحيد قدام البنت أنها تكمل الطريق وتحاول تفهم وتحل الألغاز.
طريقة اللعب:
على طول الطريق هتحاول تتخطى العقبات وتواجه الأعداء عشان توصل للحقيقة. اللعبة قدّمت لنا تصميم للعالم بتاعها والبيئات بشكل استثنائي وجميل جدًا. الجيم بلاي سلس والمهارات مختلفة والمراحل والأعداء كتير والجرافيكس عالي، ودي كلها حاجات هتخليك متحمس وعايز تلعبها وتكمل معاها وتفكر كمان تختمها.
6. A.V.A. Force 2
اللعبة رقم ستة المميزة جدًا هي لعبة إي فورس 2.
الوصف:
لعبة إي فورس 2 هي لعبة أونلاين جديدة بستايل الأنمي. هتشوفها واحدة من أجمل ألعاب الشوتر المالتي بلاير من منظور الشخص الأول، واللي بتقدّم لك تجربة شوتر تكاد تكون مثالية للهواتف بجرافيكس عالي. هتفكرك كده بلعبة "فالورانت" من حيث الشكل ونمط اللعب ولكن على الموبايل.
طريقة اللعب:
بتلعب فيها مباراة الموت من خمس جولات، خمسة ضد خمسة. بتلعب جولة دفاع وجولة هجوم في وضع القنبلة. عندك لاعبين كتير بمهارات مختلفة وطبعًا أسلحة متنوعة، وفي كمان أموال بتكسبها من الفوز في كل جولة عشان ترقّي أسلحتك. اللعبة بالفعل قدّمت جودة عالية وتصميم مميز وتجربة ممتعة، وكانت متوفرة في نسخة بيتا على هواتف الأندرويد، ولكن احنا حاليًا في انتظار إطلاقها بشكل رسمي اللي هيكون في شهر 9 القادم على الأندرويد والأيفون.
7. Fairy Tail
اللعبة رقم سبعة الإبداعية معنا هي لعبة فيري تيل. هتشوف لعبة أونلاين حجمها تقريبًا 1 جيجا ومتوفرة للأندرويد والأيفون.
الوصف:
لعبة فيري تيل هي لعبة أكشن تقمص أدوار جديدة بشكل وستايل للأنمي. اللعبة مستوحاة من مسلسل رسوم متحركة معروف بنفس الاسم.
طريقة اللعب:
هتبدأ هنا في اللعبة تعمل النقابة بتاعتك وتجمّع فريق من الأبطال عشان تروح في مغامرة سحرية ضخمة على خريطة كبيرة هتواجه فيها الأعداء والسحرة. هيكون واجب عليك تفتح الشخصيات وترقي مهارتهم وأسلحتهم وتدخل مراحل اللعبة وتبدل بين الأبطال عشان تفوز على الأعداء الصعبة، وده اللي هتشوفه في وضع القصة. عندك كمان أوضاع ثانية مختلفة منها اللعب ضد اللاعبين الأونلاين. تصميم اللعبة دي والقِصة فعلاً حلوين خصوصًا لو أنت بتتابع الأنمي. الفايت والمهارات حلوة واللعبة نفسها سلسة وحماسية، هتحب أكيد إنك تلعبها.
8. Wuthering Waves
اللعبة رقم ثمانية القوية جدًا هي لعبة ويذرنج ويفز. واحدة من أقوى ألعاب الأنمي اللي نزلت في الفترة اللي فاتت وتستاهل أكيد إنك تلعبها. اللعبة دي حجمها 10 جيجا ومتوفرة للأندرويد والأيفون.
الوصف:
لعبة ويذرنج ويفز هي لعبة تقمص أدوار (RPG) عالم مفتوح بتصميم وستايل الأنمي. هتشوفها كده شبه ألعاب زي "جنشين إمباكت" ولعبة "تاور أوف فانتاسي"، وهي كمان زي لعبة جنشين إمباكت متوفرة على الـ PC وكمان البلاي ستيشن.
طريقة اللعب:
هتلعب فيها على كوكب مدمر وسط عالم مفتوح، نظام المهمات المتتالية، واجب عليك تفايت الأعداء وتجمع الموارد المختلفة والطعام، وكمان تتحالف مع باقي الناجين للفايت وإعادة بناء الحضارة على الكوكب. الشخصية الرئيسية هنا في اللعبة اسمه "روفر" وعندك كمان شخصيات ثانية هتقابلهم وتلعب وتبدل بينهم، وهيكون معاك زي تيم كده كل واحد منهم ليه مهارات وأسلحة وأسلوب مختلف. في النهاية، هتشوف تصميم اللعبة والجيم بلاي وتجربة العالم المفتوح والفايت والقِصة حاجات كلها بنشوفها جيدة جدًا وبإمكانيات تخليها تقدر تنافس وسط ألعاب زي "جنشين إمباكت" و"تاور أوف فانتاسي".
9. Seigetsu
اللعبة رقم تسعة المميزة جدًا هي لعبة سيجيتسو. دي لعبة أونلاين جديدة حجمها تقريبًا 3.5 جيجا ومتوفرة حاليًا لهواتف الأندرويد.
الوصف:
لعبة سيجيتسو هي لعبة أكشن تقمص أدوار بشكل وستايل الأنمي. أول حاجة هتلاحظها وهتعجبك في لعبة زي دي هي سلاسة اللعب وأسلوب الفايت والقتال السريع. بتحكي لك القصة هنا عن انهيار العالم بسبب "سيد الظلام"، وأنت هنا هتلعب دور الابن المعجزة اللي واجب عليه يواجه ويفايت لإعادة النظام والتوازن للعالم.
طريقة اللعب:
هتقدر تجرب هنا شخصيات كتير بمهارات كومبو مختلفة. من الحاجات الجميلة كمان في اللعبة دي إنك تقدر تكون فريق من الأصدقاء عشان تواجهوا الوحوش والأسياد الصعبة اللي هتشوفوها في اللعبة مع بعض. تصميم اللعبة والجرافيكس وسلاسة اللعب ومشاهد الفايتنج والكومبو يخلّوها لعبة استثنائية تقدر تنافس بقوة وسط ألعاب زي لعبة "بنشين ري ريفن" ولعبة "ديفل ميراي".
10. JUMP: Assemble
اللعبة رقم عشرة معنا والأخيرة والممتعة جدًا هي لعبة جامب أسمبل. هتشوف اللعبة أونلاين حجمها تقريبًا 1 جيجا ومتوفرة للأندرويد والأيفون.
الوصف:
لعبة جامب أسمبل هي واحدة من أجمل ألعاب المالتي بلاير اللي ممكن تلعبها وتستمتع بها لوحدك أو مع أصحابك. اللعبة هي لعبة موبا خمسة ضد خمسة، بتعتمد على شخصيات الأنمي المعروفين زي أنمي "ون بيس" و"ناروتو" وأنمي "بليتش" و"دراجون بول" و"هانتر X".
طريقة اللعب:
طبعًا كل شخصية هنا ليها مهارات مختلفة هتساعدك في الجيم. عندك كمان أوضاع ثانية للعب زي مباريات فردية وثلاثية ومباريات التصنيف. هتقدر كمان تعمل روم وتلعب مع أصحابك. هدفك في المباراة هو استخدام مهارتك والفايت لتدمير قاعدة العدو والفوز بالمباراة. في النهاية، هتشوفها واحدة من أكثر الألعاب الممتعة والجذابة للاعبين، خصوصًا محبين الأنمي وألعاب الموبا، بتقدّم جودة ممتازة وتحديثات مستمرة وشخصيات فريدة، تستاهل أكيد في النهاية إنك تحمّلها وتبدأ تلعبها.
في النهاية بقى، دي كانت كل حاجة في مقال اليوم. لو عجبك المقال والمحتوى اللي احنا بنقدمه، تابع مدونتنا، وقول لنا كمان رأيك في تعليق لأكثر لعبة عجبتك وممكن تجربها من المقال. وشكرًا طبعًا أنك أكملت معنا المقال حتى الآن.
